"The true antidote to greed is contentment. If you have a strong sense of contentment, it doesn’t matter whether you obtain the object of your desire or not. Either way, you are still content."

– Tenzin Gyatso The 14th Dalai Lama

Spiritual Articles on SANTOSH (Contentment)

Question: SANTOSH bhav kya hota hai kehte hai "jab aave santosh dhan sab dhan dhuri saman" magar santosh aane se progress me bhi rukavat aa sakti hai agar ye hi bhav rahe to students jyaada marks k liye try kyu karenge koi jyadaa payment ki job talaash karne ka prayas nahi karenge spritual words se alag practical life me santosh bhav kya hai (margdarshan ki kripa karien)                                                                           Avinash

Answer : santosh choonki karm se mooh morna naheen sikhata isliye,pragati mein kisee prakar bhee badhak naheen hai.Yeh to irshyaa se bachakar yeh prerna deta hai ki apni shakti apni lakeer baree karne mein lagao.Doosre ki lakeer mitane ke liye apni shakti vyarth na karo.Koshish ke bad jo phal milta hai,use prabhu ka prasad maankar sweekar karo.

  Kai baar aisa bhee hota hai ki poori koshish karne ke baawazood poori safalta naheen mil paati,us awastha mein santosh ka bhav hamein hatasha-nirasha-depression se bachata hai.
SANTOSH YATHARTH KO sahaj dhang se  SWEEKAR KARNE KA BHAV HAI.SANTOSH KARM YA KOSHISH CHHORNE KA NAAM NAHEEN BALKI ASAKTI SE BACHKAR adhyatm par aadharit karm-mayJEEVAN JEENE KA NAAM HAI
    Dekhiye har uplabdhi ka ant to ek hi jaisa hai.Jo bahut safal aur prasiddh hote hain,kabhie aap yadi unki personal life mein jhaankkar dekhenge to payenge ki shikhar se utarne ke baad aksar we purane dino ki yaad karte hue dukhi hote rahte hain.Aise log aksar vartmaan ke yathaarth ko sweekar naheen kar paate aur baad wale logon ki buraaiyon ko dhoondhkar hawa dete rahte hain, doosari taraf ek santoshi vyakti har avastha mein sahaj aur sukhi rahta hai,is karan santosh ko sabse bara dhan mana gaya hai kyonki yeh kabhie bhee hamara saath naheen chhorta. Na to ise koi chheen ya chura sakta hai na hi iska bantwara ho sakta hai.Yeh koi badha bhee utpann naheen karta hai.