Name : Rev. Rajesh Sakolia Ji

 Address : V. Badyal Qazian, Teh. R.S. Pura, Distt. Jammu (J&K)

Maanavta hi Dharam Hamara (Hindi Kavita)

Prem aman ka deep jalayein, Ghar-ghar mein ujiara ho,

Maanvata hi dharma hamara, Maanvata hi nara(slogan) ho…

  

Prem ka sagar mann ban jaye,prem hi aankhon mein bas jaye,

Prem hi bolein, prem ho tollein,prem ka sabko path padhayein,

Aaj samay ki maang yehi hai, prem mein vishav yeh sara ho….

Maanvata hi dharma hamara, Maanvata hi nara ho…

 

 Manav ko manav se jodein,sankirnta ko hum chhodein,

Nirmaan karein hum prem pullon(Bridges) ka, nafrat ki deewarein todein,

Samdrishti se sabko dekhein, har koi aankh ka tara ho..

Maanvata hi dharma hamara, Maanvata hi nara ho…

 

 Aaisa ho jeevan yeh suhana, na koi vairi na hi begana,

Hum santaan hain ek peeta ki, aa jaye baas prem nibhaana,

Prem mein dooba, prem se mehka apna jeevan sara ho…

Maanvata hi dharma hamara, Maanvata hi nara ho…

 

 Ek ko jaane, ek ko mane, aur phir ek ho jayein,

Khud bhi gyan ki drishti lein auoron ko raah dikhayein,

Prem hi andar, prem hi bahar, prem ka sagal pasara ho…

Maanvata hi dharma hamara, Maanvata hi nara ho…